Codaynta Maine (af soomaali)

Waxaad isbeddel wayn ka samayn kartaa habka magaaladaada, gobolkaaga iyo waddanka loo maamulo.

Codayntaydu qarsoodi ma tahay?
Haa, codayntaadu waa qarsoodi. Qofna ma ogaanayo sidaad u codaysay haddii aadan u sheegin.

Yaa codayn kara?
Maine waxaad codayn kartaa haddii aad:

• Tahay muwaaddin Maraykan ah
• Daggan tahay Maine.
• Tahayna 18 jir ama ka wayn

Waa goorma Maalinta Doorashadu?
Maalinta Doorashadu waaTalaadada, Noofembar 7, 2023.

Sideen isu diiwaangeliyaa si aan u codeeyo? Waxaad isu diiwaangelin kartaa inaad codayso Maine haddii:

• Aad tahay 18 jir ama ka weyn oo muwaaddin Marayka ah, degenna Maine.
• Aad tahay 17 jir noqon doonaa 18 maalinta doorashada. Waxa markaas la oggol yahay inaad codayso doorashada hore ee Juun.
• Haddii aad tahay 16 jir ama ka weyn, waad isa sii diiwaangelin kartaa si ay diiwangelintaadu diyaar u noqoto markaad gaarto da’da codbixinta.
• Lagugu helay danbi. Haddii aad ku jirto xabsi, waxad iska diiwaangelin kartaa magaaladaad ku noolayd intaadan xabsiga galin, waxaanad diri kartaa codayntaada.
• Xataa haddii aadan lahayn guri rasmi ah, waad isu diiwaangelin kartaa codaynta.

Waxaad isu diiwaangelin kartaa inaad ka codayso gobolka Maine adigoo:

• Ku diraya diiwaangelinta boostada. Waa in foomkaagu soo gaaro karraaniga magaalada talaadada ka hor 3 usbuuc doorashada.
• Adigoo taga: Meelaha la iska diiwangeliyo; Xafiiska Adeegga Gaadiidka, Xafiiska dowladda hoose, ama goobta codaynta Maalinta Doorashada.
• Markaad hesho liisanka gaadhi wadista ama kaarka aqoonsiga, Waaxda Gaadiidku si toos ah ayey kuugu diiwaangelin doontaa.

Haddii aadan joogin Hay’adda Gaadiidka, waxa lagu weydiin doonaa inaad kaar buuxiso:

• Waxaad u baahan doontaa inaad tusto caddeynta cinwaanka aad daggan tahay.
• Aqoonsiyo badan oo kala duwan ayaa la aqbalayaa, sida aqoonsiga ardayda, Aqoonsiga qabaa’ilka, Aqoonsiga Gobolka, iyo Aqoonsiga Baasboorka.
• Warqad boostada ku timid ayaa ku filan inaad caddayso cinwaankaaga.
• Haddii aadan xataa deegaan rasmi ah waxaad iska diiwaan gelin kartaa magaalada aad ku nooshahay.
• Haddii aad xiran tahay, waxa cinwaan kuu noqonaysa magaalada aad ku noolayd intii aan lagu xirin.

Waa inaad buuxiso kaarka is-diiwaangelinta. Waa inaad buuxiso bogga hore iyo gadaal ee kaarka:

• Saxeex kaarka, taariikhdana ku dhig.
• Khasab ma aha inaad ku biirto xisbi siyaasadeed si aad u codayso. Haddii aadan rabin inaad ku biirto xisbi siyaasadeed, sax “Unenrolled” (Xisbi aan ku jirin) kaarka dushiisa.
• Wixii faahfaahin dheeraad ah, booqo: https://www.maine.gov/sos/cec/elec/voter-info/voterguide.html 

Halkeen ka codbixiyaa? Si aad u hesho meesha aad ka codaynayso:

• Wac xafiiskaaga Dowladda Hoose.
• Booqo bogga: www.maine.gov/portal/government/edemocracy/voter_lookup.php 
• Codaynta ku soo dir Boosta 

Xillima ayaan codayn karaa? Goobaha codayntu waxay furan yihiin 6:00 ilaa 10:00 ka subaxnimo Maalinta Doorashada. Xilliga furista magaalaooyinka oo dhani kama sinna. Dhammaan goobaha codaynta waxa la xiraa 8:00 fiidnimo. Waqtiyada xiritaanka doorashooyink a dowladda hoose way kala duwan yihiin.

Sideen uga fogaan karaa dadka badan? Goobaha codayntu waxay ugu dad badan yihiin 10:00 – 11:30 ka subaxnimo iyo 1:30 – 3:30 galabnimo.

Maxaan sameeyaa haddii aan magacaygu ku jirin liiska codaynta? Karraaniga codaynta ayaa ku caawinaya. Waxa laga yaabaa inaad u baahato inaad is diiwaangeliso si aad u codayso. Waxa laga yaabaa in laguu diro goob kale oo cod laga bixiyo. Waxa laga yaabaa inaad u baahato inaad riddo codayn khilaaf ku jiro.

Miyaan u baahanahay Aqoonsi? Waa inaad wadato aqoonsigaaga iyo caddayn cinwaankaaga sida biil guri haddii:

• Ay tahay markii kuugu horraysay ee aad codayso.
• Aad guurtay.
• Aad u baahan tahay inaad is diiwaangeliso maalinta
  doorashada.
   

Ha walwalin — qofkii xaq u leh inuu codeeyo marna lagama celin karo.

Waa mxay codaynta adigoo maqan?

• Khasab ma aha inaad tagto goobta codaynta si aad u codayso maalinta doorashada.
• Buuxi warqadda doorashada adigoo guriga jooga xafiiskaaga dowladda hoosena boosta ugu dir.
• Ama adiguba tag xafiiska dowladda hoose oo buuxin warqadda codaynta.
   

Haddii aad horay isu diiwaangelisay, waxaad codsan kartaa warqadda codaynta. Waa inaad sidaa yeesho ugu danbayn Khamiista ka horraysa maalinta doorashada.

Sideen ku heli karaa warqadda lagu codeeyo adigoo maqan?

• Weydiiso karraaniga magaaladaada inuu ku siiyo warqadda codaynta. Warqadaha codaynta adigoo maqan waxa badiyaa la diyaariyaa 30 bari ka hor maalinta doorashada.
• Internetka ku dalbo ka dalbo warqadda codaynta boggan: https://apps.web.maine.gov/cgi-bin/online/AbsenteeBallot/index.pl 
• Waxa kale oo aad u dalbi kartaa qof kale oo qoyska ka tirsan. Xafiiska dowladda hoose ayaa kuu sharxi doona qofka la dhihi karo waa qoyskaaga.

Maxaan ku sameeyaa warqadda codaynta anigoo maqan?

• Buuxi waqadda. Khasab ma aha inaad su’aal walba cod ka dhiibato, waa caadi haddaad ka tagto iyagoo bannaan.
• Boosta u dhig ama u gee warqadaha karraaniga dowladda hoose ee magaaladaada ugu danbayn 8:00 fiidnimo maalinta doorashada.
• Ha illoobin inaad saxeexdo taariikhdana ku qorto bakhshadda korkeeda.
• Waxa laga yaabaa in magaaladaadu leedahay sanduuq lagu rido warqadaha codbixinta oo la dhigo guriga dowladda hoose hortiisa si aadan ugu baahan boostada inaad ku dirto.

Sideen u codsan karaa inaan codeeyo anigoo maqan inta aan la gaarin khamiista ka horreysa maalinta doorashada? Waa inaad buuxiso codsi khaas ah sababahan midkood:

• Waxaad ka maqnaan doontaa magaalada maalinta doorashada sabab kadis ah awgeed.
• Waxaa ku haysa laxaad la’aan.
• Waxaad deggen tahay jasiirad mana soo gaari kartid goobta codaynta maalinta doorashada.
• Jirro ayaa ku haysa kamana soo guriga ama goobta caafimaadka.

Karraaniga baladkaagu waa in uu helo codayntaada ugu danbayn 8da fiidnimo maalinta doorashada.

Waa maxay Codbixinta Doorashada Kala Sarreysaa?
Doorashada Kala Sarreysaa (Ranked Choice Voting) waxay suuragelisaa inuu qofku wax u doorto sida uu jecelyahay.

Siday u shaqeysaa Codbixinta Doorashada Kala Sarreysa?

• Codbixiyeyaashu waxay kala hormariyaan murashixiinta siday u kala jecel yihiin: codka koobaad, ka labaad ka saddexaad, iyo wixii ka sarreeya.
• Marka la tiryo waraaqaha codaynta oo dhan, haddii hal murashax helo in ka badan 50% codka darajada koobaad wuu guulaysanayaa.
• Haddii uu murashaxna heli waayo 50% oo ah codadka heerka koobaad, murashaxa hela codadka ugu yar ayaa loo aqoonsanayaa in laga adkaaday.
• Codbixiyeyaasha doortay murashaxa helay codadka ugu yar ayaa dabadeedna codkooda loogu darayaa qofka ay siiyeen heerka labaad ee doorashada.
• Waxa sidaa lagu wadayaa ilaa laba murashax oo kaliya soo haraan. Ka ugu cod bataana sidaasuu ku badinayaa.

Maxaan murashaxiinta u kala siinayaa cod darajooyin kala sareeya?

• Haddii laga adkaado qofkii aad siisay doorashada koobaad, codayntaadu waxay wali wax tari kartaa qofka aad siisay codka heerka ku xiga.
• Waxba yeeli mayso qofka aad ugu jeclayd inaad dadka kale siiso codad ka hooseeya. Codadkaas waxa kaliya oo la xisaabinayaa haddii murashaxaagii laga adkaado.
• Waxba u tari mayso murashaxii aad jeclayd haddii kaligii uun aad ku qorto warqadda doorashada. Mar walba doorashadaada heerka koobaad waa la la xisaabinayaa ilaa murashaxaaga laga adkaado.

Sideen isaga ilaaliyaa inaan khaldo warqaddayda doorashada?

• Sakadda gudban ee kasta hal goobo kaliya ka calaamadi.
• Sakadda qotonta ee kasta hal goobo kaliya ka calaamadi.
• U codee doorasho kala darajo sarreeya intii murashax ee aad doonto.
• Khasab ma aha murashax aadan rabin inaad ku darto doorashada heerarka kala sarraysa.
• Haddii aad khalad sameyso, karraaniga weydiiso warqad cusub.
• Caawimaad waydiiso. Kaliga ma noqon doontid qofka su’aal qabaa!

Tusaalaha, murashaxa 2aad ayaa ah doorashadaada koobaad, goobaabinta ku aaddan ayaana la buuxiyey. Murashaxa 1aad ayaa ah doorashada 2aad. Murashaxa 3aad ayaa ah doorashada 3aad.

Haddii aad hubto murashaxa aad u jeceshahay oo aad rabto inaad midkaa kaliya uun u codayso, markaa waxaad buuxinaysaa goobaabinta ku aaddan “doorashada 1aad” (ikhtiyaarka 1aad) oo kaliya. Inta kalena waxaad iskaga tagi kartaa iyagoo madhan.

Haddii aad doonayso inaad doorato laba murashax oo aad kala horraysiisay oo kaliya, waxaad buuxinaysaa goobaabinta ku aaddan “doorashada 1aad” iyo ta “doorashada 2aad” oo kaliya, waxaanad iskaga tagaysaa ta “doorashada 3aad” oo madhan.